[center]ياللي تمنى شي ماهـوب مثبـوت
واللي فقد له شي وشلون يعطيـه
/
\
خلّك تجرب لوعة الحـب وتمـوت
وتجرب الحرمان ياحضـرة البيـه
/
\
ماينفعك لو تلحق الصوت بالصوت
وتقولـي ياباشـة الغيـد لبـيـه
/
\
للميت لامن مات قبر(ن) وتابـوت
واللي يموت تطيح عنه المشاريـه
/
\
من بعد ماكنت اقرب الناس والقوت
اليوم مايسمعك قلـب(ن) تناديـه
/
\
غرّك زمانك واعتبر فاتـك الفـوت
وكل (ن)على مايستحقـه نجازيـه
/
\
ان كان عقلك كنه شعيـل مفلـوت
ماكل مايطري على البـال تشريـه
/
\
الناس ماغرة عن الفاتنـه نـوت
بنت الشرف ماكل شخص تصافيه
/
\
روح بدربك واترك القلب منحـوت
من ضاع عن دربه فلاعاد يمديـه
/
\
لاتحسبنّ القلـب يفتـح بريمـوت
القلب بيت للغـلا مانـت راعيـه
-----
أتمنى تنال إعجابكمـ[/center]