اربــــــــــــــع خنـــــــــــاجـــــــر

من اروع قصائد المبدع حـــــــامـــد زيـــــــد

اربــــــــــــــع خنـــــــــــاجـــــــر

مشكله لا جات حاجتك بيدين البخيل
مايفكك لين تدفع كثر مايدفعه
ومشكله لا صرت مطعون بكفوف الدخيل
في ظهرك اربع خناجر وبالصدر اربعه
ومشكله لا ضاق بالوقت رجالً ثقيل
يطلب احبابه وعيا زمانه ينفعه
ليت ربي مايحاسب خليلً من خليل
دام مال الحظ فزعه وللوجه اقنعه
ودام مال العذل تالي ومابالحيل حيل
الغلا سماً نذوقه ومرً نجرعه
نحتري فيه القا والحصيل هو الحصيل
مثل حلماً ماتحقق وعيت اقطعه
كني اللي حط بشفاه من جمر المليل
لا قدر يرميه للناس وزرا يبلعه
والظروف اللي حدتني لنيران وفتيل
عرضت دمع المحاجر لشيً iiيجزعه
والمدامع بالغلا لا تحال ولا تحيل
والمشاكل كل ماجات جات مجمعه
اعذلوني عن هوى النفس وعيوني تخيل
في حبيب ٍ ماتركته ولازلت iiاتبعه
مغرم في حب مثله ولا ارضى له بديل
عيني تشوفه وقلبي يجوع iiويشبعه
ذاك كل مازان بالي وطالعت النخيل
ماذكرت الا ثباته بوقت الزعزعه
ماهو الاقطعة من حشا قلباً عليل
وماني الا قطعة منه مخلوقً iiمعه
لا جميل شفت قبله ولا بعده جميل
العذارا رهن رمشه وانا رهن iiاصبعه
والله انه لو طلبني اطلوع المستحيل
لا اطلعه مني مناك يعني لا اطلعه
ماعلي من الملامه وهرج الهبيل
مشجع الرجال لا ثار غيره مشجعه
في عيون اللي عشقني ولا جاني هزيل
الله اللي حط عشقه بقلبي iiوزرعه
لو سكت ينطق له الصم والدنيا تسيل
وان حكى لو يمشي المزن ياقف iiيسمعه
سلسبيل من شفاته يخالط سلسبيل
معمعه بسكات واحلا سكات iiبمعمعه
ماهقيت ان اكثر الليل يمرح بالجديل
لين شفته شوف عيني بكفه يرفعه
وان حيت ومابقالي معه ياكود ليل
لا اسهره بأول غروبه وموت بمطلعه
والله ان العشق جمره وطاحت بالشليل
وان حصل ماطاعك الوقت بحبابك طعه
من هو اللي علم عداي نكران الجميل
ومن هو اللي خان خلي وحاول يقنعه
كل عاذل ردني عنك يالطرف الكحيل
ياعسى الله يقلعه ياعسى الله يقلعه
يامعرض قلب الاحباب للدرب الطويل
السعه لا بارك الله بالضيق السعه
والله ان الوقت قاسي وانا ماني ذليلi
واشهد ان الرجل مرات ظنه يخدعه
وانتم اتعذلون خفاق بعيونi العديل
مارحمتم نار جرحه وحيرة مدمعه
والسوالف ليلها ليل والحايل يحيل
والمشاكل مشكله بمشكله متجمعه
مشكله لا خانك الوقت بالحمل الثقيل
لو زرعت الزرع هوج العواصف يشلعه
ومشكله لاصار عاذلك مايبرد غليل
لا ترده طيب كلمه ولحدً يمنعه
ومشكله لا صرت مطعون بكفوف الدخيل
في ظهرك اربع خناجر وبالصدر اربعه

نشيط عدد الرسائل : 44 تاريخ التسجيل : 24/04/2008

شكرا

إداري عدد الرسائل : 74 تاريخ التسجيل : 23/04/2008

اي ولله البخيل يضل بخيل

المدير عدد الرسائل : 87 تاريخ التسجيل : 23/04/2008

شكرا على القصيدة